Close
(0) items
You have no items in your shopping cart.
All Categories
    Filters
    Language
    Search

    До Тотален Тренинг На Телото Со Само Пар Тегови

    „Немам време брат, немам простор, немам тегови..“ сите имаме свои клише изговори за да го одбегнеме исцрпувачкиот но доста потребен тренинг. Не повеќе! Сакаме да ви покажеме неколку лесни вежби кои можете да ги направите дома и тоа само со еден пар еднорачни тегови.

    Напомена: Како и пред секое вежбање, загревањето е есенцијално. Препорачливо е да направете 5 до 10 минути истегнување, трчање или одење.

     

    Вежбите

     

    Чучњеви

    Застанете со нозете раширени колку рамената. Држете ги теговите над рамената. Исправете го торзото и клекнете надоле исто како да седнувате на столица додека вашите бутови не дојдат во паралела со подот.

    Навалете го торзото нанапред се додека вашите пети не дојдат до точка на одлепување од подот. Потоа вратете се на почетната позиција.

     

     

    Мртво кревање

    Нека не ве исплаши називот. Вежбата е совршена за нозете и долниот дел на грбот. Повторно застанете со нозете раширени колку рамената. Држете ги теговите пред колковите. Наведнете се нанапред сосе колковите. Држете го грбот исправен и главата нагоре.

    Стегнете го задникот и фиксирајте ги нозете кога се наведнувате со теговите. Престанете со спуштање во моментот кога ќе почувствувате потполно истегнување на потколениците и потоа полека вратете се на почетната позиција.

     

    Лежечко притискање

    Легнете на грб во полу-лежечка положба. Држете ги теговите до вашите рамена со дланките свртени нанапред и со свиткани лакти.

    Сега, туркајте ги теговите нагоре и спојте ги на крајот од движењето. Движењата нека бидат рамномерни со двете раце. Немојте премногу да го истегнувате или движите остатокот од телото при правењето на оваа вежба.

     

    Лежечко летање

    Повторно легнете на подот во полу-лежечка позиција. Држете ги теговите во дланките и рацете нека бидат на подот. Сега, спојте ги дланките заедно со теговите над вашата глава на тој начин што ќе формирате полукруг напред-назад при секое рамномерно движење на дланките.

     

    Латерално подигање

    Застанете со нозете раширени колку рамената и со малку свиткани колена. Држете ги теговите пред вас и латерално и рамномерно кренете ги рацете додека не ја достигнете висината на рамената. Потоа полека вратете се по почетната положба.

     

    Наведнато веслање

    Застанете со нозете раширени колку рамената. Благо свиткајте ги колената. Наведнете го торзото нанапред и застанете во агол од 45 степени спрема подот.

    Позиционирајте ги теговите на двете страни од телото додека ги виткате лактите нагоре и ги влечете лопатките кај рамената навнатре накај ‘рбетот. Потоа вратете се во почетната положба.

     

    Вртежи за бицепс

    Класика. Можете да ја изведувате оваа вежба на секоја рака одделно или во исто време.

    Држете ги теговите до вашето тело со дланките насочени нанапред. Потоа, кревајте ги теговите нагоре со виткање на лактите се додека теговите не стигнат до 3 четвртини растојание од рамената.

     

    Лежечка екстензија на трицепс

    Легнете на грб во полу-лежечка позиција. Држете ги теговите со рацете исправени на тој начин што ќе формирате форма на чекан. Рацете мораат да бидат исправени во агол од 90 степени со вашето тело и подот.

    Сега, свиткајте ги лактите наназад се до вашите уши без да ги мрдате рамената. Полека вратете се во стартната позиција.

     

     

    Стомачни

    Легнете на вашиот грб во полу-лежечка позиција. Држете еден тег со двете раце.

    Исправете ги рацете накај таванот. Полека подигнете ги рамената и горниот дел од грбот концентрирајќи се на горниот дел од абдоменот. Потоа, со контролирано движење вратете се во почетната позиција.

     

     

    КОМПЛЕТНИОТ ТРЕНИНГ

    • Чучњеви -2-4 серии, 8-12 повторувања, 5-10 килограми
    • Мртво дигање – 2-4 серии, 8-12 повторувања, 5-10 килограми
    • Лежечко притискање – 2-4 серии, 8-12 повторувања, 3-6 килограми
    • Лежечко летање - 2-4 серии, 8-12 повторувања, 3-5 килограми
    • Латерално подигање – 2-4 серии, 8-12 повторувања, 3-5 килограми
    • Наведнато веслање – 2-4 серии, 8-12 повторувања, 4-6 килограми
    • Вртежи за Бицепс – 2-4 серии, 8-12 повторувања, 4-5 килограми
    • Лежечка екстензија на трицепс – 1-3 серии, 8-12 повторувања, 3-5 килограми
    • Стомачни – 2-4 серии, 8-12 повторувања, 2-5 килограми

     

    Сега спремни за тренинг? Погледнете ја Купер.мк понудата на Фитнес Справи, Тегови И Акцесоари. Испорачуваме до дома, без изговори 💪

     

    Помош при купувањето: 071 581 521 📞

    Leave your comment